العجوز التي تحدت ابليس

[MAYMATEY BACH]

العجوز الشمطاء مع ابليس كان يا ما كان في قديم الزمان ………يحكى أن عجوز تحدت إبليس وقالت إن كيدها أعظم من كيده وتحدته إنها تسوي مشكله واذا ما قدر يحلها أنها راح تحلها وتفوز بالرهان ..... راحت العجوز لواحد من هالعاطلين اللي ما عندهم شغل ويا كثرهم وقالت أنت يا كمخه أنا بشغلك عندي فترة معينه بس……. اذا تبي فلوس لا تتدخل ولا تتكلم وافق الشاب لأنه طفش من البطاله ويبي فلوس. راحت العجوز ومعاها الشاب لمحل قماش وقالت له أنتظرني عند باب المحل …دخلت المحل وخذت قماش غالي وراحت تكاسر تاجر القماش العجوز: رخص يا بن الحلال … التاجر : اذا أنتي ما عندك فلوس خذي شيء أرخص العجوز : ما أقدر …. لازم وإلا يصير شيء ما صار **** والعجيز تبكبك******** التاجر : ليش ؟؟ ….. لهالدرجه …..شسالفه؟؟ العجوز: شفت الشاب اللي واقف عند باب المحل .. هذا ولدي .. يحب له وحده متزوجه وهي تحبه ولما تتطلق من زوجها … ولدي بيتزوجها وهو قالي أن عارضتي الزواج بأطردك من البيت وأمرني أني أشتري قماش غالي عشان يعطيها حبيبته وإلا راح يطردني من البيت مع أن البيت بالأساس بيتي ولكني غلطت وكتبته بأسمه **** والعجوز للحين تبكبك ودموعها اربع اربع التاجر: خلاص هونيها وتهون والله كسرتي خاطري …. خلاص أنا بأعطيك القماش ببلاش …. وعسى الله ياجرني العجوز طلعت مستانسه وقالت للشاب روح البيت بعدها راحت العجوز لبيت زوجة تاجر القماش وطقت الباب وطلعت الزوجة العجوز: آه بابنيتي أنا تعبت بالطريق وما أقدر أكمل ممكن أقعد عندك أرتاح خمس دقايق . رحبت الزوجة ودخلتها وأكرمتها وجابتلها شاي العجوز: مشكوووووورة ما تقصرين ان شاءالله أردها لك تعمدت تنسى القماش وطلعت. الزوجة: حرام نست قطعة القماش …أكيد بترجع بعد شوي وتاخذها بروح أحطها باالدولاب .. تاجر القماش رجع لبيته وتغدى ذاك الغدا السنع ونام شوي . قام العصر وفتح الدولاب يبي يغير ملابسه عشان يروح محله …… مفاجأة قطعة القماش وعرف أن الحرمه اللي يبيها ولد العجوز هي زوجته يعني تخونه قام عليها وطقها وطردها بالشارع بالهدوم اللي عليها. العجوز كانت تنتظر هاللحظه في أخر الشارع فراحت لها تركض العجوز: وش فيك يا بنيتي ليش تبكين؟؟؟ الزوجه : زوجي طردني … وما عطاني فرصه أتكلم . العجوز: خلاص أنا بأوديك بيتي وأنا بروح أحل المشكله راحت العجوز لبيتها ودخلت الزوجه في غرفة بينما الشاب كان في غرفه ثانيه وأمرته أنه ما يطلع منها راحت العجوز للشرطه تبكي وتقول : كنت قاعدة في بيتي وفجأة دخل رجل ومعه حرمه وقعدوا ببيتي حاولت أطلعهم ما قدرت أحتلوا بيتي ****----- (ياكبرها في فمها) ذهبت الشرطه وقبضت على الشاب والزوجه …. ورموهم بالسجن. العجوز: ها ها وش رايك يا أبليس ؟؟ دورك اللحين حل المشكله أبليس : لا لا ما أقدر أحلها السالفه تشربكت مرررررررة العجوز: أنا راح أحلها وكن شي ما صار . وراح أربح الرهان راحت العجوز تزور الزوجه بالسجن وقالت لها : أنتي ساعدتيني مرة وأنا اللحين بأساعدك ….. يلا ألبسي عباتي وغطي نفسك وأطلعي من السجن كأنك أنا وأنا بأقعد مكانك. الزوجة: مشكووورة …. لكن أنتي ؟؟؟ العجوز: مالك شغل مثل ما طلعتك بطلع نفسي. تمت عملية الهروب بنجاح…. الوالي أمر الحراس يحضرون المسجونين عشان يحكم عليهم حضرت العجوز والشاب وقال لهم الوالي : ليش قابضين عليكم وش مسوين؟؟ ردت العجوز: احنا ماسوينا شيء كنا قاعدين ببيتنا أنا ووليدي وإلا الشرطه طابه علينا وماخذينا للسجن . عصب الوالي وهزأ الشرطه وما عطاهم فرصه يتكلمون ويقول:غلطانين وتبون تتكلمون. شين وقوات عين طلعت العجوز من الوالي مستانسه وعطت الشاب فلوس وأنهت خدمته عندها. راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من كثر التعب نست القماش عندها وأن زوجته بريئه وقالت خذ قماشتك لأن ولدي سافر هو وزوجته الجديدة. رجع التاجر زوجته وتأسف منها و عطاها ذيك الرضاوه اللي تسوى. العجوز : وش رايك يا إبليس أنا فككت السالفه سهله قال إبليس كفانا الله شرك .

 

 

[..{روحـي لك}..]

ههههههه.. عــجوز زاحــفـــه.. مشكور على الطــرح.. بالتوفيق .

 

 

[مـــرجـــوج]

ههههههههه ......... والله هالعجوز .......... هي البليس .......... كفانا شرهاا ........ شكرا على الموضوع اللي دوووخني ..... وحست السالفه ...... تحياتي لكم .